თოთხმეტი ადამიანი დაიღუპა ბურკინა-ფასოში ავტობუსის აფეთქებისას, რომელსაც სკოლის მოსწავლეები გადაჰყავდა. შემთხევა მალის საზღვართან ახლოს მოხდა. ამის შესახებ ინფორმაციას სააგენტო "როიტერსი" ავრცელებს.
მომხდარზე პასუხისმგებლობა ამ დრომდე არავის აუღია. ადგილობრივი ხელისუფლება ვარაუდობს, რომ ტერაქტი ისლამისტურმა დაჯგუფებებმა მოაწყვეს, რომლებიც ალ-ქაიდასა და ISIS-თან არიან ასოცირებულნი. მათ რეგიონში ბოლო ორი წლის განმავლობაში არაერთი თავდასხმა დაუგეგმავთ.
