თავში

აზერბაიჯანი და უკრაინა საქართველოდან ავტომობილების ექსპორტისთვის უმსხვილესი ბაზრებია

აზერბაიჯანი და უკრაინა საქართველოდან ავტომობილების ექსპორტისთვის
აზერბაიჯანი და უკრაინა საქართველოდან ავტომობილების ექსპორტისთვის უმსხვილესი ბაზრებია

2020 წელს ონლაინ გაყიდვებმა ხელი შეუწყო ავტომობილების ექსპორტს აზერბაიჯანსა და უკრაინაში. ამის შესახებ აღნიშნულია galt and taggart-ის საავტომობილო ბიზნესის მიმოხილვაში. 

მიმომხილველთა მტკიცებით, აზერბაიჯანი საქართველოდან ავტომობილების რეექსპორტისთვის უმსხვილესი საექსპორტო ბაზარია.  მათივე განმარტებით, Covid-19 პანდემიის მიუხედავად, ავტომობილების ექსპორტმა აზერბაიჯანში 226.4მლნ აშშ დოლარი შეადგინა 2020 წელს, რაც წლიურ ჭრილში მაჩვენებლის 12.6%-იან კლებაზე მიანიშნებს. ექსპორტის კლება მე-2 და მე-4 კვარტლებში დაფიქსირდა. 2020 წლის მეორე კვარტალში საქართველოდან აზერბაიჯანში ავტომობილების ექსპორტი წლიურ ჭრილში განახევდა და კლებამ 50.4% შეადგინა, ხოლო მე-4 კლება 45.6%-ს გაუტოლდა.

საქართველოდან ავტომობილების ექსპორტისთვის მეორე უმსხვილესი ბაზარია უკრაინა, სადაც წლიურად ავტომობილების ექსპორტი 1.3%-ით გაიზარდა და 81.1 მლნ აშშ დოლარი შეადგინა. ექსპორტის კლება მხოლოდ მე-2 კვარტალში წლიურ ჭრილში 68.5%-სე დაფიქსირდა.

galt and taggart-ის მკლვევართა დასკვნით, აზერბაიჯანსა და უკრაინაში ავტომობილების რე-ექსპორტი ონლაინ გაყიდვების დახმარებით შენარჩუნდა. 

"ამ ქვეყნებში მანქანების დიდი ნაწილი კომპანიებმა გაიყვანეს, რომელთათვის ონლაინ გაყიდვებზე გადართვის პროცესი მარტივი აღმოჩნდა," - ვკითხულობთ galt and taggart-ის საავტომობილო ბიზნესის მიმოხილვაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system