7-13 დეკემბრის პერიოდში შემოდინებები აზერბაიჯანიდან და უკრაინიდან კვლავ ყველაზე ძლიერ ზრდას აჩვენებს.
ამის შესახებ აღნიშნულია "თიბისი კაპიტალის" ყოველკვირეულ ეკონომიკურ მიმოხილვაში.
დოკუმენტის მიხედვით, 7-14 დეკემბერში ყველაზე მეტად ფულაი გზავნილები აზერბაიჯანიდანაა გაზრდილი, ზრდა წლიურ ჭრილში 133%-ს შეადგენს, ხოლო 30 ნოემბრიდან 6 დეკემბრამდე საქართველოში აზერბაიჯანიდან გადმორიცხული თანხა გაზრდილია 187%-ით.
ნოემბერში საქართველოდან აზერბაიჯანში 5.49 მლნ აშშ დოლარი გადმოირიცხა.
რაც შეეხება, დანარჩენ სამეზობლოს, "თიბისი კაპიტალის" მიხედვით, 7-13 დეკემბრის პერიოდში სომხეთიდან შემოდინებების წლიური ცვლილება კვლავ უარყოფით ნიშნულზეა და წ/წ მინუს 32% შეადგინა.
დროის იმავე მონაკვეთში რუსეთიდან შემოდინებები წლიურად 20%-ითაა შემცირებული.
ახლო აღმოსავლეთის ქვეყნებიდან (თურქეთის ჩათვლით) შემოდინებების ზრდის ტემპი ნეგატიური რჩება.
დოკუმენტის მიხედვით, ფულადი შემოდინებები, წინა კვირასთან შედარებით შემცირდა, და 7-13 დეკემბრის პერიოდში 1% შემცირდა წინა წლის დროის იმავე მონაკვეთში საქართველოში შემოსულ ფულად გზავნილებთან შედარებით.
ბელა გელაშვილი
ავტორი