2019 წლის დასაწყისიდან აზერბაიჯანის სტრატეგიული სავალუტო რეზერვები 11,7%-ით გაიზარდა. როგორც BlackSeaNews -ი წერს, ამის შესახებ განცხადება აზერბაიჯანის ცენტრალური ბანკის საბჭოს თავმჯდომარემ გააკეთა.
"2019 წლის დასაწყისიდან აზერბაიჯანის სტრატეგიული სავალუტო რეზერვები 11,7%-ით გაიზარდა და 50 მილიარდ დოლარს გადააჭარბა", - აღნიშნა ელმან რუსტამოვმა.
აღსანიშნავია, რომ აზერბაიჯანის სტრატეგიული სავალუტო რეზერვები ცენტრალური ბანკის, ნავთობის სახელმწიფო ფონდის აქტივებისა და ფინანსთა სამინისტროს სახაზინო ფონდებისგან იქმნება.
აზერბაიჯანის სავალუტო რეზერვებმა პიკს 2014 წლის 1 ოქტომბერს მიაღწია; მაშინ რეზერვების დონემ 53,7 მილიარდ აშშ დოლარს გადააჭარბა. 2014 წლის მეოთხე კვარტალში კი, სავალუტო რეზერვების შემცირების პროცესი დაიწყო, რომელიც 2015-2016 წლებშიც გაგრძელდა.
ბელა გელაშვილი
ავტორი