აზერბაიჯანის საბაჟო დეკლარაციების მონაცემებით, მიმდინარე წლის იანვარ-აპრილში აზერბაიჯანმა 9% -ით შეამცირა ნავთობის ექსპორტი. დროის ამ პერიოდში აზერბაიჯანმა მოახერხა 10 მილიონ 737 ათას 848 ტონა ნედლი ნავთობი და ბიტუმიანი ქანებიდან მიღებული ნავთობპროდუქტების ექსპორტი. ბოლო 4 თვის განმავლობაში ნედლი ნავთობის ექსპორტის ღირებულებამ შეადგინა 4 მილიარდ 353 მილიონი 098 ათასი აშშ დოლარი.
სტატისტიკა აჩვენებს, რომ წელს პირველ 4 თვეში, შარშანდელ 4 თვის მონაცემთან შედარებით, აზერბაიჯანიდან ექსპორტირებული ნედლი ნავთობის მოცულობა შემცირდა 9,3% -ით, ხოლო ღირებულება 9,7% -ით. 2021 წლის იანვარ-აპრილში აზერბაიჯანის მთლიან ექსპორტში ნედლი ნავთობის წილმა შეადგინა 68,4%.
ცნობისთვის, მიმდინარე წლის იანვარ-მარტში აზერბაიჯანმა 1,4 მილიონი ტონა ნავთობის გადაამუშავა. ამ პერიოდისთვის ნავთობის გადამუშავება ქვეყანაში გასული წლის ანალოგიურ პერიოდთან შედარებით 93 ათასი ტონით შემცირდა.
აზერბაიჯანში ნავთობპროდუქტების წარმოების ჯამურმა ღირებულებამ მიმდინარე წლის იანვარ-მარტში შეადგინა 810,3 მილიონი მანეთი, რაც 13% -ით ნაკლებია, გასული წლის იანვარ-მარტის მაჩვენებელზე. დროის ამავე პერიოდში აზერბაიჯანმა 91 მილიონ დოლარზე მეტი ნავთობპროდუქტები დააექსპორტა. მიმდინარე წლის სამი თვის განმავლობაში ქვეყანამ აწარმოა 108 ათასი ტონა ბენზინი ნავთობქიმიკატებისთვის, 103,5 ათასი ტონა ნავთი, 8,9 ათასი ტონა მაზუთი, 64,9 ათასი ტონა ნავთობის კოქსი. ნავთობქიმიკატების ბენზინის წარმოება გაიზარდა 64.9% -ით, ნავთობის კოქსის კი - 9.3% -ით, ხოლო ნავთის წარმოება შემცირდა 29.4% -ით, მაზუთისა კი 67.8% -ით.
აზერბაიჯანი საქართველოსთვის ნავთობპროდუქტების უმსხვილესი მომწოდებელია. იანვარ-მარტში მეზობელმა ქვეყანამ საქართველოს მოაწოდა 43 ათასი ტონა ნავთობი და ნავთობპროდუქტი, რომლის ღირებულება 20,1 მილიონი აშშ დოლარს გაუტოლდა. ეს კი 1.8-ჯერ მეტია, გასული წლის ანალოგიური პერიოდის მაჩვენებელთან შედარებით.
ბელა გელაშვილი
ავტორი