მიმდინარე წლის იანვარ-ნოემბერში საქართველოდან აზერბაიჯანში ექსპორტზე 209 987 ბოთლი ქართული ღვინო გავიდა. ამის შესახებ ინფორმაციას საქართველოს ღვინის ეროვნული სააგენტო ავრცელებს.
გავრცელებული ინფორმაციით, გასული წლის ანალოგიურ პერიოდთან შედარებით, წელს პროდუქციის მოცულობა 21%-ით გაიზარდა.
2021 წლის 11 თვეში საქართველოდან ჯამში 96,1 მილიონი ბოთლი ღვინოა ექსპორტირებული, რაც რეკორდულად მაღალი მაჩვენებელია.
ამასთან, ღვინის ექსპორტით მიღებული შემოსავალი წინა წელთან შედარებით 4%-ით გაიზარდა და 222 მლნ აშშ დოლარი შეადგინა.
ქართული ღვინის საექსპორტო ქვეყნების პირველი ხუთეულია: რუსეთი, უკრაინა, პოლონეთი, ჩინეთი და ბელარუსი.