აზერბაიჯანის სტატისტიკის სახელმწიფო კომიტეტის ცნობით, ბაქო-თბილისი-ერზრუმის გაზსადენის ტრანზიტის მოცულობა 2020 წელს 12,268 მილიარდ კუბურ მეტრ გაზს გაიტოლდა. მილსადენის სატრანზიტო მაჩვენებელი წლიურ ჭრილში გაზრდილია 17.8%-ით.
აზერბაიჯანის მაგისტრალურმა მილსადენებმა შარშან ჯამში გაატარეს 29,611 მილიარდი კუბური მეტრის გაზი, რაც 2019 წლის მაჩვენებელთან შედარებით, 7.6% -იან ზრდაზე მეტყველებს.
აზერბაიჯანიდან გაზის ტრანსპორტირების საერთო მოცულობაში 41,4%-ი სწორედ სამხრეთ კავკასიის მილსადენზე, ბაქო-თბილისი-ერზრუმზე, მოდის.
ცნობისთვის, აზერბაიჯანის შაჰ დენიზის საბადოზე წარმოებული ბუნებრივი გაზის ტრანსპორტირება ხდება თურქეთში. ბუნებრივი გაზის მოცულობები თურქეთის ბაზარს მიეწოდება სამხრეთ კავკასიის მილსადენით (ბაქო-თბილისი-ერზრუმი) და TANAP- ით. პირველი გაზი ბაქო-თბილისი-ერზრუმის მილსადენით თურქეთის ბაზარზე 2007 წელს შემოვიდა. TANAP– ით კომერციული გაზის ტრანსპორტირება თურქეთში 2018 წლის 30 ივნისს დაიწყო.
ბელა გელაშვილი
ავტორი