"ბაზარი იპოთეკური სესხების სუბსიდირების პროგრამის ეფექტის მოლოდინშია," - ამის შესახებ აღნიშნულია TBC Research-ი საქართველოს ეკონომიკის აღდგენის მორიგ ანგარიშში.
დოკუმენტის თანახმად, სახელმწიფო დაასუბსიდირებს პროცენტს იპოთეკურ სესხებზე შემდეგი წესით:
სახელმწიფო ასუბსიდირებს იპოთეკური სესხის საპროცენტო განაკვეთის 4 პროცენტულ პუნქტს;
სუბსიდია გრძელდება სესხის აღებიდან 5 წლის განმავლობაში;
სახელმწიფო წყვეტს სუბსიდიას, თუ რეფინანსირების განაკვეთი ჩამოცდა 5% (განაახლებს თუ ასცდა);
სუბსიდია გაიცემა არაუმეტეს 200 000 ლარიან სესხებზე;
შეეხება მხოლოდ მათ, ვინც 01/06/2020 - 01/01/2021 პერიოდში აიღებს იპოთეკურ სესხს ახალ აშენებული ბინის შესაძენად;
პროგრამის ბიუჯეტი ჯამში 70 მლნ ლარია.
ორგანიზაციის განმარტებით, სახელმწიფო გასცემს იპოთეკური სესხების გარანტიას შემდეგი წესით:
სახელმწიფო გასცემს სესხის გარანტიას სესხის 20% - ის ოდენობით;
გარანტია გრძელდება სესხის აღებიდან 5 წლის განმავლობაში;
გარანტია ვრცელდება 01/06/2020 - 01/01/2021 პერიოდში გაცემულ სესხზე;
გარანტიით ისარგებლებს ყველა მსესხებელი, რომელიც აიღებს არაუმეტეს 200 000 ლარიან სესხს ახალ აშენებული ბინის შესაძენად;
გარანტია გავრცელდება სესხებზე, სადაც თანამონაწილეობა შეადგენს არანაკლებ 10%.
ბიუჯეტი - 14 მლნ ლარი.
TBC Research-ის ინფორმაციით, 2 ივლისის მდგომარეობით, თბილისში გაყიდული ბინების 7 დღის საშუალო მაჩვენებლის ცვლილება წინა კვირის მაჩვენებელთან შედარებით შემცირებულია.
ბელა გელაშვილი
ავტორი