თავში

Bentley თანამშრომლების მეოთხედს სამსახურიდან დაითხოვს

Bentley თანამშრომლების მეოთხედს სამსახურიდან დაითხოვს
Bentley თანამშრომლების მეოთხედს სამსახურიდან დაითხოვს

პანდემიის გამო, ბრიტანული ავტომწარმოებელი Bentley, ხარჯების შესამცირებლად კომპანიიდან დაახლოებით მეოთხედი თანამშრომელის გათავისუფლებას გეგმავს.  

Financial Times-ის ცნობით, კომპანია 4200 დასაქმებულიდან, 1 000 ადამიანის დათხოვნას აპირებს. "ჩვენი შემოსავლები უკვე 25%-ით შემცირდა და მხოლოდ ნახევარი წელი გვრჩება იმისთვის, რომ ამ თანხის კომპენსირება მოვახდინოთ. ასე რომ, წელს საკმარისი მოგების მიღება ძალიან გაჭირდება", - ამბობს კომპანიის დირექტორი ედრიან ჰოლმარკი. 

Bentley, უკვე მესამე ბრიტანული ავტომწარმოებელია, რომელიც იძულებულია პერსონალის ნაწილი გაათავისუფლოს, რათა ხარჯების ოპტიმიზირება მოახდინოს. სამსახურიდან მასობრივი გათავისუფლების შესახებ, მანამდე  Mclaren-მა და Aston Martin-მა განაცხადა.

ბრიტანული მწარმოებლებისა და გადამყიდველების ორგანიზაციის (SMMT) განცხადებით, აპრილში, ქვეყანაში ავტოწარმოება პრაქტიკულად შეჩერდა. სულ 197 ავტომობილი შექმნეს, რაც 99,7%-ით უფრო ცოტაა ვიდრე 2019 წლის იგივე პერიოდში. მაისში სიტუაცია გაუმჯობესდა, თუმცა წინა წლის ანალოგიურ პერიოდთან შედარებით წარმოება 90%-ით შემცირდა. 

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system