Bloomberg-ის მილიარდერების ინდექსის მიხედვით, ბიძინა ივანიშვილის ქონება $5.12 მილიარდ აშშ დოლარს შეადგენს, რაც გუშინდელთან შედარებით $125 მილიონი დოლარით ნაკლებია.
ინდექსის მიხედვით, ივანიშვილის ქონება ყველაზე მაღალი - 2013 წელს იყო, როცა 6.40 მლრდ აშშ დოლარს შეადგენდა.
მარტის დასაწყისისთვის, ბიძინა ივანიშვილის ზარალი 180 მლნ დოლარით შემოფარგლებოდა.
ცნობისთვის, Bloomberg-ის მილიარდერების ინდექსი მსოფლიოს ყველაზე მდიდარი ადამიანების ყოველდღიური რეიტინგია. Bloomberg-ის მილიარდერთა სიაში სულ 500 მილიარდერია.
მსოფლიოს 20-მა ყველაზე მდიდარმა ადამიანმა, რომლებიც Forbes-ის მილიარდერთა სიის სათავეში არიან, საფონდო ბირჟებზე აქციების ფასების მკვეთრი ვარდნის გამო $78 მილიარდი დაკარგეს.
ამ შემცირების მიზეზს საერთაშორისო საფონდო ბირჟებზე აქციების მკვეთრი ვარდნა იწვევს.
Dow Jones-ის ინდექსი 10%-ით შემცირდა; S&P 500-ის ინდექსი 9.5%-ით დაეცა, Nasdaq-ის ინდექსი კი 9.4%-ით შემცირდა.
ბირჟებზე არსებული კლება კორონავირუსსა და ნავთობის ფასების ვარდნას უკავშირდება.
ბელა გელაშვილი
ავტორი