BlackBerry კლასიკური სმარტფონების მომსახურებას წყვეტს. კომპანია შეწყვეტს ყველა მოწყობილობის მომსახურებას, რომელსაც არ აქვს დაინსტალირებული Android პროგრამული უზრუნველყოფა. Report.ge-ს ცნობით, ინფორმაციას Bloomberg ავრცელებს.
22 დეკემბრის განცხადებაში კომპანიამ მომხმარებლებს შეახსენა, რომ სმარტფონები 3 იანვრის შემდეგ აღარ იქნება მხარდაჭერილი. ეს შეეხება BlackBerry 10, OS 7.1 და უფრო ადრინდელ მოდელებს.
BlackBerry ოდესღაც ძლიერი მოთამაშე იყო მობილური ტელეფონების სამყაროში. 2000-იანი წლების პირველ ათწლეულში მოწყობილობებს ამაყად ატარებდნენ როგორც ვარსკვლავები, ასევე აშშ-ის პრეზიდენტი ბარაკ ობამა.
2009 და 2010 წლებში კომპანიამ გაყიდვების პიკს მიაღწია. BlackBerry ფლობდა გლობალური სმარტფონების ბაზრის თითქმის 20%-ს. მაგრამ iPhone-ების და ანდროიდის სენსორული მოწყობილობების გამოჩენასთან ერთად, ტელეფონის გაყიდვები შემცირდა.
Statista-ს მონაცემებით, კომპანიას ჯერ კიდევ ჰყავს ათასობით თანამშრომელი, ხოლო 2020 წელს მას $1 მილიარდი დოლარის შემოსავალი ჰქონდა.