თავში

BTC-ით ნავთობის ტრანზიტი 11%-ით შემცირდა

BTC-ით ნავთობის ტრანზიტი 11%-ით შემცირდა
BTC-ით ნავთობის ტრანზიტი 11%-ით შემცირდა

მიმდინარე წლის ივნისში, ბაქო-თბილისი-ჯეიჰანის (BTC) მილსადენით თურქეთში გაყვანილი იქნა 14.742 მილიონი ბარელი ნავთობი. თურქული კომპანია BOTAŞ–ის მონაცემებით, 9.7%-ით, ნაკლებია გასული წლის აპრილის მაჩვენებელზე.

საერთო ჯამში, მიმდინარე წლის იანვარ-ივნისში BTC–ით 98,927 მილიონი ბარელი ნავთობი გადაიტუმბა, რაც 12.149 მილიონი ბარელით,  10.9%-ით ნაკლებია 2020 წლის ანალოგიური პერიოდის მაჩვენებელზე.

მიმდინარე წლის პირველ კვარტალში, ნავთობის ტრანზიტი BTC-ით შემცირდა. აზერბაიჯანის ძირითადი საექსპორტო ნავთობსადენის ბაქო-თბილისი-ჯეიჰანის (BTC) საოპერაციო ხარჯებმა შეადგინა დაახლოებით 41 მილიონი აშშ დოლარი, ხოლო კაპიტალური ხარჯები გაუტოლდა დაახლოებით 6 მილიონ აშშ დოლარს. წლიურ ჭრილში საოპერაციო ხარჯები 16 მილიონი დოლარით ანუ 64% -ითაა გაზრდილი, ხოლო კაპიტალური ხარჯი - 3 მილიონი დოლარით ანუ 2-ჯერ.

ბაქო-თბილისი-ჯეიჰანის სატრანზიტო მოსაკრებელი 55 ცენტით გაიზარდა. ნავთობის ტრანზიტს აზერბაიჯანი საქართველოს გავლით ახდენს. საუბარია ბაქო-თბილის-ჯეიჰანის ნავთობსადენზე, რომელიც აზერბაიჯანიდან თურქეთში საქართველოს გავლით ჩადის. 2006 წლის ივნისში ექსპლუატაციაში მიღებიდან 2021 წლის პირველი კვარტლის ჩათვლით, ამ 1,768 კმ სიგრძის მილსადენმა გადაიტანა 482 მილიონ ტონაზე მეტი (3,62 მილიარდი ბარელი) ნედლი ნავთობი. ნავთობი ჯეიჰანში ჩაიტვირთა 4729 ტანკერზე და გაგზავნეს მსოფლიო ბაზრებზე.

მიმდინარე წლის კვარტლის განმავლობაში BTC– ის საშუალებით ექსპორტირებულია დაახლოებით 6,7 მილიონი ტონა (51 მილიონი ბარელი) ნედლი ნავთობი და კონდენსატი, რომელიც ჯეიჰანში იტვირთება 70 ტანკერისთვის. BTC– ით ტრანსპორტირების მოცულობა შემცირდა 13% –ით გასული წლის ანალოგიურ პერიოდთან შედარებით.

შეგახსენებთ, 2020 წელს ბაქო-თბილისი-ჯეიჰანის (BTC) ძირითადი საექსპორტო მილსადენის საოპერაციო ხარჯებმა $ 111 მილიონი შეადგინა, ხოლო კაპიტალური ხარჯები $ 29 მილიონს გაუტოლდა.

საოპერაციო ხარჯები წინა წელთან შედარებით 27 მილიონი დოლარით ანუ 19.6% -ით შემცირდა, ხოლო კაპიტალური ხარჯები 15 მილიონი დოლარით ანუ 34.1% -ით.

ექსპლუატაციის პერიოდში, 2006 წლის ივნისიდან 2018 წლის პირველი ნახევრის ბოლომდე, 1 768 კილომეტრიან BTC– ის მილსადენით ტრანსპორტირებული იქნა 475 მილიონი ტონა ნედლი ნავთობი (3,57 მილიარდი ბარელი), რომელიც დატვირთული იყო ჯეიჰანის 4,659 ტანკერზე და გაიგზავნა მსოფლიო ბაზარზე.

2020 წლის საანგარიშო პერიოდში BTC– მა გაატარა 27,8 მილიონ ტონაზე მეტი (211 მილიონი ბარელი) ნედლი ნავთობი და კონდენსატი, რომელიც ჩაიტვირთა 278 ტანკერში ჯეიჰანში. წლის განმავლობაში (2019 წლიდან 2020 წლამდე) BTC– ით ტრანსპორტირების მოცულობა შემცირდა 3,2 მლნ ტონით ანუ 10,3% –ით.

ცნობისთვის, BTC მილსადენი სათავეს იღებს სანგაჩალის ტერმინალიდან, რომელიც მდებარეობს ბაქოს მახლობლად. მილსადენის ყოველდღიური გამტარობაა 1,2 მილიონი ბარელი ნავთობია. 1,768 კმ-იანი მილსადენი ექსპლუატაციაში შევიდა 2006 წლის ივნისში. BTC ძირითადად ახორციელებს BTC აზერბაიჯანულ-ჩირაგ-გუნეშლის ნავთობის, შაჰ დენიზის კონდენსატისა და აგრეთვე სატრანზიტო ნავთობის ტრანპორტირებას.

BTC-ის აქციონერი კომპანიებია არიან: BP (30,10%), AzBTC (25,00%), Chevron (8,90%), Equinor (8,71%), TPAO (6,53%), ENİ (5,00%), Total (5,00%), Itochu (3,40%), Inpex (2,50%), ExxonMobil (2,50%) и ONGC (BTC) Ltd. (2,36%)

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system