მიმდინარე წლის იანვარ-ივლისში ბაქო-თბილისი-ყარსის სარკინიგზო ხაზის მეშვეობით 13 610 TEU კონტეინერის ტრანზიტი განხორციელდა.
ADY Container-ის ინფორმაციით, აღნიშნული მაჩვენებელი 63%-ით მეტია გასული წლის ანალოგიური პერიოდის მონაცემებზე.
ზრდა განსაკუთრებით მნიშვნელოვანი იყო გასულ თვეში. კერძოდ, მიმდინარე წლის ივლისში, გადაზიდული კონტეინერების რაოდენობა 2,1-ჯერ აღემატება წინა წლის ანალოგიური პერიოდის მაჩვენებელს.
7 თვის განმავლობაში გადაზიდული კონტეინერების 92%-ს ტრანზიტული ტვირთი წარმოადგენდა.
ტრანსპორტირებული საქონლის უმეტესობას ფერადი მეტალურგია და ქიმიური პროდუქტები, აგრეთვე მარცვლეული პროდუქტები, ქსოვილები, ცხოველების საკვები და სამშენებლო მასალები წარმოადგენს.
ბაქო-თბილისი-ყარსის რკინიგზის ხაზი ექსპლუატაციაში 2017 წლის 30 ოქტომბერს შევიდა. დღეისათვის მისი მეშვეობით ტრანსპორტირებულია 33,267 TEU კონტეინერი.