საქართველოს პრემეირის განცხადებით, ეკონომიკის გახსნა მომავალი კვირიდან ეტაპობრივად დაიწყება და ეტაპებს შორის 2 კვირიანი პერიოდი იქნება.
ეკონომიკური გახსნის პირველი ფაზა ორშაბათიდა, 27 აპრილიდან დაიწყება და ავტომობილებით გადაადგილება დასაშვები გახდება, გაიხსნება აგრარული ბაზრები.
პრემიერის განმარტებით, მეორე ეტაპზე შესაძლებელია ამუშავდეს შემდეგი ბიზნესსუბიექტები:
- მშენებლობა;
- მშენებლობის ზედამხედველობასთან დაკავშირებული საქმიანობა;
- სამშენებლო მასალების წარმოება;
- ავტოსამრეცხაოები და ავტოსერვისები სრულად;
- კომპიუტერების პირადი საყოფაცხოვრებო საქონლის რემონტი;
- სარეკრეაციო ზონების ფუნქციონირება.
გახარიას ინფორმაციით, კორონავირუსის პანდემიის პირობებში ეკონომიკის გახსნის მესამე ეტაპზე სავაჭრო მოლების გარდა საცალო და საბითუმო მაღაზიები გაიხსნება. როგორც პრემიერ-მინისტრმა გიორგი გახარიამ განაცხადა, მესამე ეტაპის გახსნა შეეხება ღია ტიპის ბაზრობებს, წარმოებებს და საგამომცემლო საქმიანობას.
რაც შეეხება, ეკონომიკის გახსნის შემდეგ სამ ეტაპს, დროში მათი გადანაწილენა ასეთია:
ცნობისთვის, მთავრობის მეთაური არ გამორიცხავს, რომ გარკვეული შეზღუდვები, რომელიც პანდემიის პირობებში დაწესდა, წლების განმავლობაში დარჩეს.
შეგახსენებთ, მთავრობამ ანტიკრიზისული გეგმა წარადგინა. დახმარება შესთავაზა, როგორც ფიზიკურ, ისე იურიდიულ პირებს.
კრიზისული მენეჯმენტისთვის ხელისუფლება 3 მილიარდ ნახევარს დახარჯავს.
მთავრობა ბანკებს 600 მილიონ ლარს მიაწვდის.
ბელა გელაშვილი
ავტორი