ევროპაში გაზის ფიუჩერსების ფასები პარასკევს სავაჭრო დღის გახსნისას თითქმის 5%-ით შემცირდა და ათას კუბურ მეტრზე 1 055 აშშ დოლარს შეადგენს. ამას მოწმობს ICE Futures-ის მონაცემები.
ნიდერლანდების TTF-ის ჰაბში გაზის იანვრის ფიუჩერსების ღირებულება დღის მინიმალურ ნიშნულს - 1 055 დოლარს შეადგენდა, რაც 4.8%-ით დაბალია გასული დღის მაჩვენებელზე.
ევროპაში გაზის ფასი ბოლო თვეებში მკვეთრად გაიზარდა. ჯერ კიდევ აგვისტოს დასაწყისში, ნიდერლანდების TTF-ის ჰაბში ათასი კუბური მეტრი გაზი 515 აშშ დოლარად ივაჭრებოდა, სექტემბრის ბოლოსთვის ეს მაჩვენებელი გაორმაგდა.
Financial Times-ის ცნობით, გაზზე ფასის ზრდის ერთ-ერთი მიზეზი არის ის გარემოება, რომ "გაზპრომმა" უარი თქვა უკრაინის გავლით დამატებითი მოცულობების მიწოდებაზე, რომელიც ევროპაში ექსპორტის გაზრდას ისახავდა მიზნად.
