ევროკომისიამ ენერგეტიკის სფეროში ფასების მკვეთრ ზრდას "ომი გამოუცხადა". ამის შესახებ ინფორმაციას ევროკომისიის პრესსამსახური ავრცელებს.
ევროკავშირმა ენერგეტიკული კრიზისის დასაძლევად რიგი ზომების ჩამონათვალი გამოაქვეყნა.
ანგარიშში აღნიშნულია, რომ მომავალში ენერგეტიკის სფეროს უფრო მაღალი ფასების ზემოქმედების გასაუმჯობესებლად, ევროკავშირის ქვეყნებს შეუძლიათ გამოიყენონ მთელი რიგი ინსტრუმენტები, მათ შორის ოჯახების დახმარება, მთავრობის დახმარება კომპანიებისთვის და საგადასახადო მიზნობრივი შემცირება. გარდა ამისა, განახლებადი ენერგიისა და ენერგოეფექტურობის ინვესტიციის მხარდაჭერა, ენერგიის შესანახი კვლევები და გაზის შესყიდვა.
"ამავდროულად, ჩვენ ვადგენთ სხვა საშუალოვადიან ზომებს, რათა ჩვენი ენერგეტიკული სისტემა უფრო გამძლე და მოქნილი გახდეს, რათა გაუძლოს გარდამავალ პერიოდში მომავალ არასტაბილურობას. დღევანდელი ვითარება არის გამონაკლისი და შიდა ენერგეტიკული ბაზარი ბოლო 20 წელი კარგად გვეხმარება. მაგრამ ჩვენ უნდა ვიყოთ დარწმუნებულნი, რომ ის მომავალშიც გამოგვადგება, რომ განახორციელებს ევროპულ მწვანე შეთანხმებას, გაზრდის ჩვენს ენერგეტიკულ დამოუკიდებლობას და მიაღწევს ჩვენს კლიმატურ მიზნებს “, - განაცხადა ენერგეტიკის კომისარმა, კადრი სიმსონმა.
ამრიგად, ევროკავშირი გააგრძელებს ეფექტური ენერგეტიკული სისტემის განვითარებას განახლებადი ენერგიის წყაროების წილის გაზრდით. ამჟამინდელი მონაცემებით, გაზი კვლავ მნიშვნელოვან გავლენას ახდენს ელექტროენერგიის ფასზე.
”ზოგადი კონსენსუსი არის ის, რომ ფასების ზღვრული მოდელი არის ყველაზე ეფექტური, მაგრამ საჭიროა შემდგომი ანალიზი”, - ნათქვამია განცხადებაში.
ასევე, ევროკავშირის წევრმა ქვეყნებმა ყურადღება გაამახვილეს გაზის შენახვის ობიექტების მნიშვნელობაზე.
ევროპაში ბუნებრივი გაზის ფასების რეკორდული ზრდის ძირითადი მიზეზებია ცივი ზამთრის გამო შენახული გაზის დაბალი მარაგი და მიწოდების ნაკლებობაა.
