სავაჭრო ორგანიზაციის მიერ გამოქვეყნებული მონაცემების თანახმად, 2021 წლის მესამე კვარტალში ევროკავშირში გაყიდული ყოველი მეხუთე ავტომობილი ელექტრომობილია.
ევროპის საავტომობილო მწარმოებლების ასოციაციაში (ACEA) აცხადებენ, რომ ელექტრო მანქანების გაყიდვები წელს თითქმის 57%–ით არის გაზრდილი და 212 000 ერთეულს აღწევს.
რაც შეეხება ჰიბრიდულ მოდელებს, მათზე 43%-იანი ზრდა ფიქსირდება, რაც 197 000 ერთეულს შეადგენს.
ამასთან, ბენზინზე მომუშავე მანქანების გაყიდვები 35%–ით შემცირდა, ხოლო დიზელზე მომუშავე ავტომობილების გაყიდვები 50 პროცენტით არის შემცირებული.