ევროკომისია ლიბანის დასახმარებლად პირველ ეტაპზე 33 მილიონ ევროს გამოყოფს. როგორც ევროკომისიის პრეზიდენტი, ურსულა ფონ დერ ლეიენი, სოციალურ ქსელ „ტვიტერში“ წერს, მომავალი დახმარების საკითხიც განიხილება.
„პრემიერ-მინისტრ ჰასან დიაბს ვესაუბრე და ლიბანელი ხალხის მიმართ ევროკავშირის სამძიმარი და მხარდაჭერა გამოვხატე. ევროკავშირის კომისია პირველადი გადაუდებელი საჭიროებებისთვის 33 მილიონი ევროს მობილიზებას ახდენს და მომავალი დახმარების საკითხსაც განიხილავს“, - წერს ევროკომისიის პრეზიდენტი.
ორი დღის წინ ლიბანის დედაქალაქ ბეირუთში მომხდარი ძლიერი აფეთქების შედეგად დაღუპულთა რაოდენობა 137-მდე გაიზარდა, ხოლო დაშავებულთა რიცხვმა 5 000-ს მიაღწია. ოფიციალური მონაცემებით, 300 000-მდე მოქალაქე უსახლკაროდ დარჩა, უბედური შემთხვევისგან მიყენებული მატერიალური ზარალი კი, სავარაუდოდ, 5 მილიარდ დოლარს აღწევს.
I spoke with PM @Hassan_B_Diab and expressed EUâs condolences and support to the people of Lebanon. The @EU_Commission is mobilising over 33 million for first emergency needs with further support being considered: https://t.co/00327qkKjd pic.twitter.com/FLe7hqmJU2
— Ursula von der Leyen (@vonderleyen) August 6, 2020
ბელა გელაშვილი
ავტორი