ევროპის ქვეყნები 2022 წელს პირველადი ენერგიის რესურსებზე 1 ტრილიონ დოლარს ხარჯავენ, რაც ბოლო 10 წლის განმავლობაში რეკორდული მაჩვენებელია. ამის შესახებ საინფორმაციო სააგენტო Bloomberg იუწყება.
გამოცემის ცნობით, ხარჯების ზრდა რეგიონში გათბობისა და ელექტროენერგიის მიწოდების მაღალ ფასებთან არის დაკავშირებული.
Citigroup-ის ექსპერტების აზრით, გასული წლის განმავლობაში ევროპაში გაზის ფასი 3,5-ჯერ გაიზარდა. ამ დროისთვის ბუნებრივ აირზე ევროპის ქვეყნების ენერგეტიკული მოთხოვნილების მეოთხედი მოდის.
2021 წლის შემოდგომაზე ევროპაში ენერგეტიკულმა კრიზისმა იფეთქა მას შემდეგ, რაც გაზის ფასებმა ათას კუბურ მეტრზე 1 000 აშშ დოლარს გადააჭარბა.