ევროპაში გაზის ფიუჩერსების ფასები ვაჭრობის გახსნისას 6%-ით გაიზარდა და ათას კუბურ მეტრზე 1,2 ათასი აშშ დოლარი შეადგინა. Report.ge-ის ცნობით, ამას მოწმობს ლონდონის საფონდო ბირჟის ICE-ის მონაცემები.
გაზის თებერვლის ფიუჩერსების ფასმა ნიდერლანდების TTF-ის ჰაბში ვაჭრობის გახსნისას ათას კუბურ მეტრზე 1 197,6 აშშ დოლარი შეადგინა. თუმცა, მოგვიანებით 1 203,4 დოლარამდე გაიზარდა.
21 დეკემბერს ევროპაში გაზის გაცვლითმა ფასმა, ისტორიაში პირველად, ათას კუბურ მეტრზე 2 000 აშშ დოლარს გადააჭარბა.
ფასის კლება შეიძლება დაკავშირებული იყოს აშშ-დან ევროპაში LNG-ის დამატებით მიწოდებასთან და ევროპის ქარის ელექტროსადგურებზე ელექტროენერგიის გამომუშავების ზრდასთან.
ევროპაში გაზის ფასი ბოლო თვეებში მკვეთრად გაიზარდა. Financial Times-ის ცნობით, გაზზე ფასის ზრდის ერთ-ერთი მიზეზი არის ის გარემოება, რომ "გაზპრომმა" უარი თქვა უკრაინის გავლით დამატებითი მოცულობების მიწოდებაზე, რომელიც ევროპაში ექსპორტის გაზრდას ისახავდა მიზნად.
