თავში

ევროპულმა ფონდმა ბაზისბანკს ლარში ნომინირებული 10 მილიონი ევრო ასესხა

ევროპულმა ფონდმა ბაზისბანკს ლარში ნომინირებული 10 მილიონი ევრო ასესხა
ევროპულმა ფონდმა ბაზისბანკს ლარში ნომინირებული 10 მილიონი ევრო ასესხა

ევროპულმა ფონდმა სამხრეთ-აღმოსავლეთ ევროპისთვის (EFSE) ბაზისბანკს ლარში ნომინირებული 10 მილიონი ევროს ოდენობის სესხი გამოუყო. ამ ფულადი რესურსის მიზნობრიობა საცალო კლიენტების დაკრედიტება, კერძოდ, იპოთეკური სესხების გაცემის ხელშეწყობაა. ხელმოწერის ცერემონია 10 ოქტომბერს მოლდოვის დედაქალაქ კიშინიოვში გაიმართა.

„მოხარული ვართ, რომ ფონდის პარტნიორ ორგანიზაცებს შეემატა ისეთი ფინანსური ინსტიტუტი, როგორიც ბაზისბანკია. თითქმის 15 წელია, ფონდი უზრუნველყოფს სამხრეთ- აღმოსავლეთ ევროპის მეზობელ რეგიონში, მათ შორის საქართველოში კერძო ბიზნესისა და ფიზიკური პირებისთვის ფინანსური რესურსების მობილიზებას. ამ მიმართულებით გრძელვადიანი შედეგის მიღწევა სწორედ ისეთი სტაბილურ პარტნიორებთან თანამშრომლობითაა შესაძლებელი, როგორიც ბაზისბანკია. ბანკის ადგილობრივ ბაზარზე გრძელვადიანი გამოცდილებით და ბიზნესისადმი პასუხისმგებლიანი მიდგომით ჩვენ საშუალება გვეძლევა ხელი შევუწყოთ მეტი ბენეფიციარის დაფინანსებას.“ აცხადებს EFSE- ის საბჭოს თავმჯდომარე, კრისტოფ ტისკენსი.

„ჩვენს ახალ პარტნიორთან, EFSE–თან თანამშრომლობით შესაძლებლობა მოგვეცა უფრო მეტი რესურსი დავუთმოთ საცალო დაკრედიტებას. EFSE–თან ჩვენი პარტნიორობის კიდევ ერთი დიდი უპირატესობა ისაა, რომ სესხი ეროვნულ ვალუტაში გაიცემა, რაც უდაოდ სასიკეთოა, როგორც ქვეყნის ეკონომიკის განვითარებისათვის, ისე ჩვენი კლიენტებისთვის. გვჯერა, რომ ფონდთან ჩვენი თანამშრომლობა წარმატებული და ხანგრძლივი იქნებ",- განაცხადა ბაზისბანკის გენერალურმა დირექტორმა დავით ცაავამ.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system