დეკემბერში ევროზონის 19 ქვეყანაში წლიური ინფლაცია, წინასწარი შეფასებით, 5%-მდე დაჩქარდა და 30-წლიან მაქსიმუმზეა. Report.ge-ს ცნობით, ინფორმაციას ევროპის სტატისტიკური სააგენტო Eurostat ავრცელებს.
ერთი წლით ადრე ევროზონაში 0,3%-იანი დეფლაცია დაფიქსირდა.
მხოლოდ დეკემბერში სამომხმარებლო ფასები ევროზონაში, წინასწარი შეფასებით, 0,4%-ით გაიზარდა.
ამავდროულად, საბაზო წლიური ინფლაცია დაჩქარდა 2,7%-მდე.
ასევე, ნოემბერში ევროზონაში საცალო გაყიდვების მოცულობა ოქტომბერთან შედარებით 1%-ით გაიზარდა.
