2-8 ნოემბრის პერიოდში ფულადი შემოდინებები წინა კვირასთან შედარებით მნიშვნელოვნად გაიზარდა და ზრდის დადებით ნიშნულს დაუბრუნდა.
ამის შესახებ აღნიშნულია "თიბისი კაპიტალის" ეკონომიკის ყოველკვირეულ მიმოხილვაში.
წლიურ ჭრილში (ანუ 2019 წლის 2-8 ნოემბრის პერიოდთან შედარებით) ზრდამ +5%-ი შეადგინა.
შემოდინებები აზერბაიჯანიდან და უკრაინიდან კვლავ ყველაზე ძლიერ ზრდას აჩვენებს.
ფულადი გზავნილების ზრდა აზერბაიჯანიდან კვლავ სამნიშნა მაჩვენებელზეა.
ზრდის მაღალ ტემპს ინარჩუნებს შემოდინებები ჩრდილოეთ ამერიკიდან.
რუსეთიდან შემოდინებების ზრდის ტემპი კვლავ უარყოფითია და წ/წ(წლიურ ჭრილში) მინუს 28%-ი შეადგინა.
ახლო აღმოსავლეთის ქვეყნებიდან (თურქეთის ჩათვლით) შემოდინებების ზრდის ტემპი 2-8 ნოემბრის პერიოდში დადებით ნიშნულზეა.
სომხეთიდან შემოდინებების წლიური ცვლილება კვლავ უარყოფით ნიშნულზეა, მაგრამ გაუმჯოებესებულია წინა კვირასთან შედარებით და წ/წ -14% შეადგინა.
შემოდინებების ევროკავშირიდან და დიდი ბრიტანეთიდან ზრდის დადებით ტემპს ინარჩუნებს.
ბელა გელაშვილი
ავტორი