თიბისის არხებით განხორციელებული ფულადი შემოდინებები 11-17 იანვრის პერიოდში თითქმის უცვლელი რჩება და წ/წ 10% შეადგინა.
ამის შესახებ აღნიშნულია "თიბისი კაპიტალის" ყოველკვირეულ ეკონომიკურ მიმოხილვაში.
დოკუმენტის მიხედვით, შემოდინებები აზერბაიჯანიდან, უკრაინიდან და ევროკავშირის ქვეყნებიდან ყველაზე მაღალ ზრდას აჩვენებს.
1-17 იანვრის პერიოდში აზერბაიჯანიდან საქართველოში გადმორიცხული თანხის ოდენობა 95%-ითაა გაზრდილი წლიურ ჭრილში. 4-10 იანვრის განმავლობაში კი ეს მაჩვენებლი 108%-იან ზრდას ჩვენებდა.
რაც შეეხება, დანარჩენ სამეზობლოს, შემოდინებები რუსეთიდან 11-17 იანვრის პერიოდში უარყოფით ნიშნულზეა და მინუს 36%-ს უტოლდება, ხოლო 4-10 იანვრის განმავლობაში ჩრდილო მეზობლიდან ფულადი გზავნილები შემცირებულია 41%-ით.
სომხეთიდან ფულადი 11-17 იანვრის პერიოდში გაზრდილია მხოლოდ 1%-ით, ხოლო 4-10 იანვრის მონაკვეთში ამ ქვეყნიდან ფულადი გზავნილები 19%-ით.
ახლო აღმოსავლეთიდან (თურქეთის ჩათვლით) ფულადი შემოდინებები 1-17 იანვრის პერიოდში შემცირებულია 3%-ით, ხოლო 4-10 იანვრის განმავლობაში ამ რეგიონიდან ფულადი გზავნილები მხოლოდ 1%-იან ზრდას აჩვენებდა.
გზავნილების ზრდა ევროკავშირიდან, რომელსაც ყველაზე დიდი წილი აქვს შემოდინებებში, უკანასკნელი ორი კვირის განმავლობაში დადებით დინამიკას ინარჩუნებს.
