Cybertruck - ეს არის ფუტურისტული, ნამდვილად განსხვავებული და არამიწიერი პიკაპი, რომელიც თავად Tesla-ს თავკაცმა წარადგინა. რამდენიმე საათის წინ, დიდი ხნის ლოდინი დასრულდა და ავტომობილი მთელი თავისი დიდებულებით წარმოადგინა ელონ მასკმა. მისი დიზაინი ამ დრომდე მკაცრად იყო გასაიდუმლოებული. სცენაზე კი წარსდგა უხეში, გეომეტრიული ფორმების დიზაინის მქონე ელექტრო პიკაპი.
Tesla ელექელექტრომობილების მოყვარულებს, პიკაპის სამ საფასო ვერსიას სთავაზობს. ბიუჯეტური Cybertruck-ის ფასი 39 900 დოლარია, რომელსაც სრული დამუხტვის შემდეგ 400 კილომეტრის გავლა შეუძლია. საშუალო ფასის ორძრავიანი მოდელი კი 49 900 დოლარი ღირს და ერთი დამუხტვით 480 კილომეტრს გაივლის. სამძრავიანი მონსტრი პიკაპი, ყველაზე ძვირიანია აღნიშნულ სერიაში და მისი ფასი თითქმის 70 000 დოლარია. ეს უკანასკნელი ერთ ჯერზე, სრულად დამუხტული აკუმულატორით 800 კილომეტრს გაივლის. ამერიკის შეერთებულ შტატებში პიკაპის ტიპის ავტომობილებზე მოთხოვნა დიდია, ამიტომაც ამ ელექტროპიკაპის გამოშვებაზე ტესლა დიდ იმედებს ამყარებს. მისი სერიული წარმოებაში ჩაშვება მასკის კომპანიას 2021 წლისთვის აქვს დაგეგმილი.
ანტონ თათვიძე
ავტორი