თავში

გაზის სამომხმარებლო ტარიფი უცვლელი დარჩა

გაზის სამომხმარებლო ტარიფი უცვლელი დარჩა

ენერგეტიკისა და წყალმომარაგების მარეგულირებელმა კომისიამ დღევანდელ სხდომაზე ბუნებრივი გაზის სექტორში მოქმედი კომპანიებისათვის სამომხმარებლო ტარიფები გრძელვადიან პერიოდზე დაადგინა.

როგორც სემეკიდან report.ge-ს აცნობეს, ტარიფები ძალაში იქნება 2020 წლის 1 ივლისიდან 2023 წლის 1 იანვრამდე.

უფრო კონკრეტულად:

"სოკარ ჯორჯია გაზის" სამომხმარებლო ტარიფი უცვლელი დარჩა და დღგ-ს ჩათვლით შეადგენს 56.928 თეთრი/მ3-ს; ასევე უცვლელი დარჩა "საქორგგაზის" ტარიფი და დღგ-ს ჩათვლით 56.990 თეთრი/მ3 იქნება.

"დი-ვი-ეს"-ის სამომხმარებლო ტარიფი დღგ-ს ჩათვლით 43.500 თეთრი/მ3-ს შეადგენს, შპს "დიდი დიღომის" ტარიფი - 50.899 თეთრი/მ3-ს, "გასკო +"-ის - 48.301 თეთრი/მ3-ს.

"გამასთვის" განაწილების ტარიფი შემცირდა 3.371 თეთრით და შეადგინა 1.671 თეთრი/მ3, შპს "გოგოჭური და კომპანიისთვის" განაწილების ტარიფი შემცირდა 3.583 თეთრით და 1.510 თეთრი/მ3 იქნება, ხოლო შპს "ენერგია+"-ს განაწილების ტარიფი 4.183 თეთრით, 6.046 თეთრი/მ3-მდე შემცირდა.

ცნობისთვის, დედაქალაქის აბონენტებისთვის გაზის სამომხმარებლო ტარიფი სემეკმა გასული წლის ბოლოს დაადგინა და ის ასევე 2022 წლის ბოლომდე იქნება ძალაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system