თავში

"ინტერნეტაფთიაქი" - როგორია წამლების 40%-ით გაიაფების გეგმა

"ინტერნეტაფთიაქი" - როგორია წამლების 40%-ით გაიაფების გეგმა
ინტერნეტაფთიაქი - როგორია წამლების 40%-ით გაიაფების გეგმა

გიორგი ვაშაძემ მედიკამენტების 40%-ით გაიაფების გეგმა წარადგინა. ამის შესახებ მან პრეზენტაცია ჯანდაცვის სისტემის რეფორმასთან დაკავშირებით, სტრატეგია "აღმაშენებლის" ფარგლებში გამართა. ვაშაძეს შემოაქვს "ინტერნეტ აფთიაქის" ცნება, რიტაც მისი, ხედვით, ფასების კონტროლი იქნება შესაძლებელი. მისი თქმით, შედეგი დადგება, თუ "ინტერნეტ აფთიაქი" გახდება დღევანდელი სააფთიაქო ქსელის კონკურენტი.

"ადამიანები ვერ აუდიან მედიკამენტების დანახარჯებს. აქედან გამომდინარე, ქართველ და უცხოელ ექსპერტებთან ერთად შევიმუშვეთ კონკრეტული მექანიზმი, თუ როგორ გავაიაფოთ წამლები. ჩვენ შემოგვაქვს ინტერნეტ აფთიაქის ცნება, რომელიც იქნება ლიცენზირებადი და რომელსაც ექნება ფასების კონტროლი, შესაბამისად ფასები შემცირდება 40%-ით. დღევანდელ ქსელებს, ვისაც ფიზიკური აფთიაქი აქვს, მაგალითად: "პსპ", "ავერსი", "ჯიპისი", უფლება არ ექნებათ, რომ გახსნან ინტერნეტ აფთიაქი. ინტერნეტ აფთიაქი უნდა იყოს მათი კონკურენტი, მაგრამ ვისაც სურს, რომ მიიღოს ინტერნეტ აფთიაქის ლიცენზია, უნდა ჰქონდეს პირდაპირი კონტრაქტი მწარმოებელთან და დაახლოებით მხოლოდ 20% შეუძლია მოუმატოს ჩამოტანის ფასს. ე, წ. ოფშორულ კომპანიებს საეთოდ ვხსნით ამ პროცესიდან. დღეს ინტერნეტ აფთიაქები ფაქტობრივად არ არსებობს საქართველოში, მხოლოდ ვებგვერდებია სადაც წამლების ფასები წერია. ეს ფასები, რაზეც ჩვენ ვსაუბრობთ, ჰაერიდან არ მოდის. იანვრიდან მოყოლებული მწარმოებლებთან ვმუშაობთ ფასის შემუშავებაზე. ამ მიდგომით, დაახლოებით ექვსი თვიდან ერთ წელიწადში, მთლიანად შევქმნით წამლების ფასს ქვეყანაში. ეს აიძულებს კარტერულ გარიგებაში მყოფ მონოპოლიურ სააფთიაქო ქსელებს მათაც გააიაფონ მედიკამენტების ფასი,"- განაცხადა გიორგი ვაშაძემ.

გიორგი ვაშაძე ასევე შეეხო არაორიგანალი წამლების თემასაც და აღნიშნა, რომ მათ კონკრეტული მექანიზმი აქვთ ხარისხის მართვასთან დაკავშირებით.

"ჩვენ გვაქვს კონკრეტული მექანიზმი ხარისხის მართვასთან დაკავშირებით. ჩვენ გვსურს შვეიცარული მოდელი შემოვიტანოთ ქვეყანაში, სადაც 35%-ით უფრო იაფი უნდა ღირდეს არაორიგინალი წამალი და არა ისე, როგორც დღეს ხდება. დღეს საქართველოში ორიგინალი და არაორიგინალი მედიკამენტების ფასი ერთი და იგივეა, უფრო მეტიც, არის შემთხვევები, როდესაც არაორიგინალის ფასი ორიგინალი მედიკამენტის ფასსაც აღემატება. ეს კი დაუშვებელი უნდა გავხადოთ",-აღნიშნა ვაშაძემ.

შეგახსნენებთ, წამლების სიძვირეზე პოლიტიკური პარტიები და ექსპერტები დიდი ხანია საუბრობენ. მთავრობა კი მედიკამენტების ფასები რეგულირების გეგმაზე უკვე მუშაობს.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

ეს ახალი ამბები სხვა ენებზეც ხელმისაწვდომია:

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system