იურიდიული პირების დეპოზიტების დაზღვევით საბანკო სექტორს წლიური ხარჯი 3-3.5 მლნ ლარით გაეზრდება. როგორც საბანკო ასოციაციაში განმარტავენ, ამ ხარჯს სექტორი გაგებით მოეკიდება. საბანკო სექტორს ფიზიკური პირების დეპოზიტების დაზღვევისთვის ყოველთვიურად დაახლოებით 2.5 მლნ ლარის გადახდა უწევს. საბანკო ასოციაციის განმარტებით, სწორედ საბანკო სექტორის მოთხოვნით, იურიდიული პირების დეპოზიტების დაზღვევა ერთი წლით გადავადდა.
ცნობისთვის, იურიდიული პირების დეპოზიტების დაზღვევა 2022 წლიდან ამოქმედდება. კანონპროექტის საპარლამენტო განხილვები მომდევნო კვირიდან დაიწყება.
ბელა გელაშვილი
ავტორი