თავში

"ქართლი ტექსტილში" 20 მლნ ლარის თურქული ინვესტიცია ჩაიდო

"ქართლი ტექსტილში" 20 მლნ ლარის თურქული ინვესტიცია ჩაიდო
ქართლი ტექსტილში  20 მლნ ლარის თურქული ინვესტიცია ჩაიდო

„პანდემიის მიუხედავად, ჩვენს ქვეყანაში შემოდის ახალი ინვესტიცია და იხსნება თანამედროვე სტანდარტებით აღჭურვილი ტექსტილის საწარმო, სადაც უკვე 700--მდე ადამიანია დასაქმებული და მომავალი წლის ბოლომდე ეს მაჩვენებელი 4000-ს მიაღწევს," - ამის შესახებ ნათია თურნავამ რუსთავში, კომპანია „აჭარა ტექსტილის“ ახალი საწარმოს - „ქართლი ტექსტილის“ გახსნის ღონისძიებაზე განაცხადა, რომელსაც საქართველოს პრემიერ მინისტრი, გიორგი გახარია, ასევე სახელმწიფო და კერძო უწყებების წარმომადგენლები ესწრებოდნენ. 

ნათია თურნავას განმარტებით, ეს არის ძალიან ძლიერი, კონკურენტუნარიანი თურქი ინვესტორების ჯგუფი, რომელიც აკეთებს ქართულ საქმეს და ეს საქმე არ გაჩერებულა, მიუხედავად პანდემიისა.

როგორც მინისტრმა განმარტა, კომპანიამ უფრო მეტად გაიმყარა საერთაშორისო ასპარეზზე თავისი კონკურენტუნარიანობა და არაერთ ცნობილ სპორტულ კლუბს აწვდის ტანსაცმელს, რომელიც შეკერილია საქართველოში. 

როგორც ნათია თურნავამ აღნიშნა, მნიშვნელოვანია, რომ „ქართლი ტექსტილი“ შეიქმნა სახელმწიფოს დახმარებით, პროგრამის აწარმოე საქართველოში“ ფარგლებში - ინვესტორს გადაეცა მიწა საინვესტიციო პირობებით და დასაქმების ვალდებულებებით. 

„ჩვენ ყველა მომსწრენი ვართ. თუ როგორი წარმატებით სრულდება ეს ვალდებულებები“ - აღნიშნა მინისტრმა.

კომპანია „ქართლი ტექსტილს“ სამკერვალო საწარმოს ასაშენებლად სახელმწიფომ მიწა მასზე განთავსებული შენობა-ნაგებობით სიმბოლურ ფასად - 1 ლარად გადასცა. საწარმოს მშენებლობაში 20 მლნ ლარის ინვესტიცია განხორციელდა, საიდანაც 10 მლნ ლარი პროგრამის „აწარმოე საქართველოში“ პროგრამის ფარგლებში აღებული სესხია.

კომპანია „აჭარა ტექსტილი“ წლების მანძილზე თანამშრომლობს ცნობილ მსოფლიო ბრენდებთან, მათ შორის ისეთებთან, როგორიცაა Nike, ADIDAS, Lotto, Erima, New Balance და Under Armor. კომპანია 100%-ით ექსპორტზეა ორიენტირებული და წლიურად 15 000 000-ზე მეტი ერთეული პროდუქციის წარმოებას და ექსპორტს ახორციელებს.

თურქული ინვესტიციით შექმნილი საწარმო 4 000 სამუშაო ადგილს შექმნის რუსთავსა და გარდაბანში. აღსანიშნავია, რომ საწარმოში დასაქმებულთა შორის 90% ქალია.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system