საქართველოდან კარტოფილის ექსპორტი წელს, გასული წლის ანალოგიურ პერიოდთან შედარებით, თითქმის 10-ჯერ გაიზარდა.
საქსტატის მონაცემებით, 2021 წლის იანვარ-სექტემბერში ქვეყნიდან 10.595 მლნ დოლარის ღირებულების 30 006 ტონა კარტოფილი გავიდა. 2020 წლის 9 თვეში კარტოფილის ექსპორტმა 3 012 ტონა შეადგინა.
ქართული კარტოფილის ექსპორტით შემდეგი ქვეყნები ლიდერობენ:
- რუსეთი - 20 403 ტონა (9.009 მლნ დოლარი)
- აზერბაიჯანი - 4 924 ტონა (614.2 ათასი დოლარი)
- მოლდოვა - 1 738 ტონა (319.6 ათასი დოლარი)
- თურქმენეთი - 871 ტონა (125.3 ათასი დოლარი)
- ბელარუსი - 669 ტონა (177.1 ათასი დოლარი)