ლონდონის საფონდო ბირჟაზე წარმოდგენილი ქართული კომპანიების აქციების ფასი გაიზარდა.
ბოლო კვირაში ქართული კომპანიების ფასი საშუალოდ 5-7%-ით არის მომატებული.
საქართველოს ჯანდაცვის ჯგუფის (GHG), აქციების ღირებულების ზრდამ 2.58% შეადგინა, ამჟამად კომპანიის ერთი აქცია 99.5 პენსი ღირს.
BGEO-ს, ანუ "საქართველოს ბანკის" აქციების ღირებულება 3.12%-ით გაიზარდა და დღეისთვის ერთი აქციის ფასი 9.93 გირვანქა სტერლინგია.
"საქართველოს კაპიტალის” (CGEO), აქციების ღირებულების ზრდამ კი 2.46% შეადგინა, შედეგად ერთი აქციის ფასი 5.42 გირვანქა სტერლინგი გახდა.
TBC-ის აქციების ღირებულების ცვლილება კი +10.07%-ს შეადგენს, შედეგად, ბანკის ერთი აქცია 8.09 გირვანქა სტერლინგი ღირს.
ცნობისთვის, ლონდონის საფონდო ბირჟის მთავარი ინდექსი FTSE 100-ს დღეს 2.93%-ით გაიზარდა.
FTSE 250-ის ინდექსი, რომლის შემადგენლობაშიც ქართული კომპანიებიც შედიან, 3.44%-ით არის გაზრდილი.
ბელა გელაშვილი
ავტორი