საქართველოში წლიურ ჭრილში ხორცი და ხორცის პროდუქტები გაძვირებულია. ამის შესახებ აღნიშნულია საქსტატის მიერ დღეს განახლებულ ინფლაციის მიმოხილვაში.
წლიურად 2021 წლის დეკემბერში, 2020 წლის დეკემბრის თვესთან შედარებით, ხორცი და ხორცის პროდუქტები გაძვირებულია 10.2-ით.
2021 წლის დეკემბერში წინა თვესთან შედარებით ინფლაციის დონემ საქართველოში 0.3 პროცენტი, ხოლო წლიური ინფლაციის დონემ 13.9 პროცენტი შეადგინა. Report.ge-ს ცნობით, ინფორმაციას საქსტატი ავრცელებს.
რაც შეეხება საბაზო ინფლაციას, აღნიშნულმა მაჩვენებელმა 2021 წლის დეკემბერში, გასული წლის შესაბამის პერიოდთან შედარებით 5.9 პროცენტი შეადგინა, ხოლო თამბაქოს გარეშე წლიური საბაზო ინფლაციის2 მაჩვენებელი 6.0 პროცენტით განისაზღვრა.
