საქსტატის მონაცემებით, მიმდინარე წლის 8 თვეში საქართველომ აზერბაიჯანში 2,085.2 ტონა მსხვილფეხა რქოსანი პირუტყვის ცოცხალი ხორცი გაყიდა. ფულად გამოსახულებაში ამ პროდუქტის ექსპორტი 3,667.1 ათას აშშ დოლარს გაუტოლდა.
0102 სასაქონლო ნიშნის ქვეშ ტვირთი საავტომობილო გზით გადაიზიდა. ექსპორტი განხორციელდა მიმდინარე წლის ყველა თვეში აპრილისა და მაისის გარდა.
0104 სასაქონლო ნიშნის ქვეშ კი მეზობელ ქვეყანაში საქართველოდან საავტომობილო გზით ივლისსა და აგვისტოში გადაიზიდა 1,007.8 ათასი დოლარის ღირებულების 422.1 ტონა ცხვრები და თხები ცოცხლად.
რაც შეეხება შინაური ფრინველის ექსპორტს, 0105 სასაქონლო ნიშნის ქვეშ საქართველომ მიმდინარე წლის 8 თვეში აზერბაიჯანში გაყიდა 32.4 ათასი დოლარის ღირებულების 4.2 ტონა შინაური ფრინველის ცოცხალი ხორცი.
ბელა გელაშვილი
ავტორი