მსოფლიოს წამყვან საფონდო ბირჯებზე დღეს დილის მონაცემებით ნავთობზე ფასები მცირდება.
ნავთობზე ფასის კლებას სპეციალისტები კორონავირუსის შესახებ ახალი ინფორმაციის გავრცელებას უკავშირებენ. ბოლო მონაცემებით, ამ ვირუსით გარდაცვლილია 80, ხოლო დაინფიცირებულია 2700-ზე მეტი ადამიანი.
Brent-ის მარკის ნავთობი 1,4 დოლარით (2,31%-ით) შემცირდა და ბარელზე 59,29 დოლარი შეადგინა.
კლება ფიქსირდება WTI მარკის ნავთობზეც, რომელზეც ფასმა ბარელზე 1,31 (2,42%) დოლარით 52,88 დოლარამდე იკლო.
შეგახსენებთ, ვინაიდან ჩინეთი ბოლო დროს აშშ-საც უსწრებდა ნავთობის იმპორტში.
უმსხვილესი ნავთობმომპოვებელი ქვეყნები ასე გამოიყურება
თეულის ბოლო ადგილს იჭერს ქუვეითი 2.75 მილიონი ბარელი ნავთობწარმოებით დღეში.
მეცხრე ადგილზეა ბრაზილია (2.8 მილიონი ბარელი დღეში)
8. მექსიკა– 2.95 მილიონი ბარელი დღეში
7. გაერთიანებული არაბული ემირატები – 3.23 მილიონი ბარელი დღეში
6. კანადა– 3.92 მილიონი ბარელი დღეში
5. ირანი – 4.13 მილიონი ბარელი დღეში
4. ჩინეთი – 4.19 მილიონი ბარელი დღეში
ანალიტიკოსების თქმით, ჩინეთი გამიზნულად ზრდის წარმოებას უკანასკნელი 50 წლის განმავლობაში, და ამჟამად აწარმოებს მსოფლიოს მოცულობის 4,7%-ს. მისი უზარმაზარი მოსახლეობისა და სწრაფად განვითარებადი ეკონომიკისთვის წარმოება ჯერ კიდევ არ არის საკმარისი, ისევე, როგორც აშშ-ში, ჩინეთი აგრძელებს მეტის მოხმარებას, ვიდრე ის აწარმოებს, და ამიტომ უწევს ბალანსის იმპორტი. სპეციალისტების თქმით, ჩინეთის მარაგი მწირია - 20,35 მილიარდი ბარელი, მაგრამ ჰიდრავლიკური მსხვრევისა და სხვა ტექნოლოგიების საშუალებით, ის, სავარაუდოდ, მომავალში გაიზრდება.
3. რუსეთი – 10.3 მილიონი ბარელი დღეში
2. შეერთებული შტატები – 10.59 მილიონი ბარელი დღეში
1. საუდის არაბეთი – 11.75 მილიონი ბარელი.
ბელა გელაშვილი
ავტორი