14 დღიანი პაუზის შემდეგ „აჭარა ტექსტილის“ ქობულეთის საწარმომ მუშაობა განაახლა. საწარმოში მუშაობას მხოლოდ ის თანამშრომლები გააგრძელებენ, რომლებსაც განმეორებითი ტესტირების შემდეგ კორონავირუსი არ დაუდასტურდათ.
კომოანიის მენეჯმენტის განმარტებით, 2 კვირიანი პაუზით დაახლოებით 0.5 მილიონის ზარალი მიიღეს.
შეგახსენებთ, რომ კომპანიამ ქობულეთის საწარმო თანამშრომლების კორონავირუსით ინფიცირების გამო 26 სექტემბერს დაკეტა.
ცნობისთვის, „აჭარა ტექსტილს“ უკვე აქვს სამი სამკერვალო ფაბრიკა ბათუმში, ფოთსა და ქობულეთში, სადაც დასაქმებული ჰყავს 3500 ადამიანი. კომპანია თანამშრომლობს ისეთ წამყვან საერთაშორისო ბრენდებთან, როგორებიცაა: Nike, ADIDAS, Puma, Lotto, Erima, ახლო მომავალში დამკვეთი კომპანიების რიცხვს შეემატება “New Balance” და “Under Armour”. კომპანია 100%-ით ექსპორტზეა ორიენტირებული და წლიურად 15 000 000-ზე მეტი ერთეული პროდუქციის წარმოებას და ექსპორტს ახორციელებს. ის 3500 ადამიანს ასაქმებს.
ბელა გელაშვილი
ავტორი