აგვისტოს ბოლოს შეერთებული შტატები კრიპტოვალუტის მაინერების ახალი თავშესაფარი გახდა. ამის შესახებ გამოცემა CNBC იუწყება.
კემბრიჯის ალტერნატიული ფინანსების ცენტრის მონაცემებით, ბიტკოინის მაინინგის 35.4% ახლა აშშ-შია თავმოყრილი, რაც 428%-ით მეტია წინა წელთან შედარებით.
ასეთი ცვლილებები დაკავშირებულია ჩინეთის პოლიტიკასთან, სადაც კრიპტოვალუტის მოპოვება და მათთან ყველა ოპერაცია კანონით აიკრძალა. ჩინეთის წილი, რომელიც აკონტროლებდა ბაზრის 67%-ს 2020 წლის სექტემბერში, ნულამდე დაეცა. კრიპტოვალუტის მაინერებმა ჩინეთის დატოვება და ახალი თავშესაფრის ძიება დაიწყეს. ისინი ირჩევენ ადგილებს, რომლებიც იაფი ენერგიის წყაროებით გამოირჩევა.
ბიტკოინის მოპოვების გლობალურ ბაზარზე ყაზახეთის წილი 18,1%-მდე გაიზარდა. ეს მიეწერება ყაზახეთში მდებარე ნახშირის მაღაროებს, რომლებიც უზრუნველყოფენ იაფ ენერგიას. მესამე ადგილზეა - რუსეთი (11.2%).