თავში

ქუთაისის აეროპორტის გამტარუნარიანობა 4-ჯერ გაიზრდება

ქუთაისის აეროპორტის გამტარუნარიანობა 4-ჯერ გაიზრდება

„ქუთაისის აეროპორტი ჩვენი ერთ-ერთი მნიშვნელოვანი სტრატეგიული ობიექტია, სადაც მიუხედავად კოვიდისა, სამუშაოები ერთი დღითაც არ შეჩერებულა“, - განაცხადა ეკონომიკისა და მდგრადი განვითარების მინისტრმა პარლამენტის პლენარულ სხდომაზე გამოსვლისას, რომელშიც ის ინტერპელაციის წესით ფრაქცია „ევროპულმა საქართველოს“ მოთხოვნით მონაწილეობს.

ნათია თურნავას ინფორმაციით, სულ მალე, გაფართოების სამუშაოების შედეგად ქუთაისის აეროპორტის გამტარუნარიანობა 4-ჯერ გაიზრდება.

„შეგახსენებთ, რომ 2018-2019 წლებში ქუთაისის აეროპორტში მგზავრების გადაყვანის რეკორდული მაჩვენებლები და ზრდა იყო, მათ შორის 50%-იანი ზრდა. იმასაც შეგახსენებთ, რომ 2018-2019 წლებში ჩვენმა აეროპორტებმა გაატარეს 5,2 მლნ მგზავრი, როდესაც 2012 წლამდე ეს რიცხვი 1,4 მლნ იყო. ეს მაჩვენებლები არის თავისთავად იმისი ანარეკლი, თუ რა პოლიტიკას ატარებდა თქვენი პოლიტიკური ძალა ხელისუფლებაში, რომელსაც მე 2006 წლის ნოემბერში სრულიად სამართლიანად გავეყარე და შეგახსენებთ, რომ ეს ნამდვილად ის პერიოდია, როდესაც ბიზნესის რეკეტი დაიწყო. ჩემს მიერ ჩამოთვლილი ციფრები არის ასევე იმის მაჩვენებელი, თუ რა პოლიტიკას ვატარებთ ჩვენ „ღია ცის“ თვალსაზრისით და ეს ის მონაპოვარია, რომელსაც არ დავთმობთ“, - მიმართა ნათია თურნავამ ფრაქცია „ევროპული საქართველოს“ წევრებს.

შეგახსენებთ, ოპოზიცია ხელისუფლებას ედავება საზღვრების გაუხსნელობასა და ამ მხრივ ზედმეტ სიფრთხილეში. ოპოზიცია დარწმუნებულია, რომ ამას ხელისუფლება განგებ აკეთებს, რომ უცხოეთში მყოფ ამომრჩველს არჩევნებში მონაწილეობაში ხელი შეუშალოს და ოპოზიციას ამომრცეველი წაართვას. ეკონომიკის მინისტრი ოპოზიციას პრეტენზიებს არ იზიარებს, ბრალდებას უარყოფს და ოპონენტებს ასე პასუხობს: "დამერწმუნეთ, არ არსებობს ისეთი თვითმფრინავი, რომელიც ჩამოგიყვანთ თქვენ მითოლოგიურ ამომრჩეველს და თქვენი რეიტინგი გაუმჯობესდება საარჩევნოდ,"

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system