შემოსავლების სამსახურს კინოლოგიის საუკეთესო ცენტრი აქვს, რაც სახელმწიფოს ეფექტური კონტროლის განხორციელებასა და დანაშაულთან ბრძოლაში ეხმარება. ამის შესახებ საქართველოს ფინანსტა მინისტრი, ლაშა ხუციშვილი აცხადებს. მინისტრის შეფასებით, განსაკუთრებული და დასაფასებელია კინოლოგ-ოფიცრების როლი ძაღლების წვრთნაში, რაც ზრდის ქვეყნის ეკონომიკური საზღვრების დაცულობას.
"დღეის მონაცემებით, სხვადასხვა საბაჟო გამშვებ პუნქტზე 36 სამსახურებრივი ძაღლი იმყოფება, რომელთა უნიკალური უნარ-ჩვევების საშუალებით აღმოჩენილია სხვადასხვა ნარკოტიკული საშუალება, კონტრაბანდული პროდუქცია და თამბაქო," - ამბობს ლაშა ხუციშვილი.
ცნობისთვის, ძაღლებს აქტიურაად იყენებს საგანგებო სიტუაციების მართვის სამსახურიც. სამსახურის ბაზიდან შარშან 6 მაშველი ძაღლი პენსიაზე გააცილეს. ისინი სახანძრო-სამაშველო ძალების განყოფილებებში გადაიყვანეს და მათზე მეხანძრე-მაშველები იზრუნებენ. საგანგებო სიტუაციების მართვის სამსახურის კინოლოგიურ დანაყოფს შრაშნვე შეუერთდა მომავალი თაობის მაშველი ძაღლი ბელგიური მალინუა - ტინტო.
მაშველი ძაღლების წვრთნა და გამოყენება დაიწყო სამთო-სათხილამურო კურორტებზეც. ავსტრიის განვითარების სააგენტოს (Austrian Development Agency) დაფინანსებით შარშან დაიწყო ახალი პროექტის - „ზვავში გადარჩენილთა ძებნა: გაწვრთნილი მაშველი ძაღლები ზვავში დაშავებულთა გადარჩენის გარანტი”. დაგეგმილია 2 ბელგიური ნაგაზისა და შესაბამისი საწვრთნელი აღჭურვილობის შესყიდვა, ასევე სპეციალურად გამოყოფილი სამაშველო სამსახურის პერსონალის გაწვრთნა კინოლოგის მიერ.
ბელა გელაშვილი
ავტორი