კორონავირუსის გამო, ლათინური ამერიკისა და კარიბის ზღვის რეგიონის ქვეყნებში 41 მილიონი ადამიანი შესაძლოა, უმუშევარი დარჩეს.
შრომის საერთაშორისო ორგანიზაციის განცხადებით, ბოლო დღეების განმავლობაში კორონავირუსის შემთხვევების მკვეთრი ზრდა და დაწესებული რეგულაციები რეგიონში უმუშევრობის დონეს 4-5%-ით გაზრდის, რაც უსამსახუროდ დარჩენილ 41 მილიონ ადამიანს ნიშნავს.
ყველაზე დიდი საფრთხე სასტუმროებში, სარესტორნო და მომსახურების სექტორში დასაქმებულ პირებს ემუქრებათ. უმუშევრობა ემუქრებათ მცირე ბიზნესში ჩართულ პირებსაც.
აღსანიშნავია, რომ მიმდინარე წლის დასაწყისამდე ლათინური ამერიკისა და კარიბის ზღვის ქვეყნებში უმუშევრობა 8.1%-ს შეადგენდა.
ბელა გელაშვილი
ავტორი