2020 წლის დეკემბერში, ნოემბრის თვესთან შედარებით, 1.1%-ითაა გაძვირებული მარცვლეული.
ამის შესახებ აღნიშნულია FAO-ს ფასების ინდექსში, რომელიც სამომხმარებლო კალათის 5 ძირითადი პროდუქტის (რძე, მარცვლეული, მცენარეული ზეთი, შაქარი, ხორცი) საერთაშორისო ფასების ცვალებადობას ასახავს.
გაეროს სურსათის და სოფლის მეურნეობის ორგანიზაციის FAO-ს მარცვლეულის საერთაშორისო ფასების 2020 წლის დეკემბრის ინდექსი, 2019 წლის ამავე პერიოდის მაჩვენებელს 6.6%-ით აღემატება.
ხორბლის საერთაშორისო ფასის ზრდის მიზეზად, სამხრეთ და ჩრდილოეთ ამერიკაში, ასევე, რუსეთში მარცვლეულის მოყვანისათვის საჭირო პირობებთან დაკავშირებული პრობლემები მოიაზრება.
რაც შეეხება ბრინჯს, 2020-ში, წინა წელთან შედარებით, ბრინჯის ექსპორტი 8.6-ით გაიზარდა. იგივე მაჩვენებელი სიმინდზე გაზრდილია - 7.6%, ხოლო ხორბალზე - 5.6%-ით.
ბელა გელაშვილი
ავტორი