მსოფლიო ბანკის „გლობალური ეკონომიკის პერსპექტივების შესახებ“ უახლესი ანგარიშის თანახმად, 2022 წლიდან საქართველოს ეკონომიკური ზრდა, სავარაუდოდ, შენელდება. Report.ge-ს ცნობით, შესაბამისი ანგარიში TWB-ის ვებგვერდზე გამოქვეყნდა.
ანგარიშის მიხედვით, 2022 და 2023 წლებში, საქართველოს ეკონომიკური ზრდა სავარაუდოდ პოტენციური ზრდის 5-5.5-პროცენტიან მაჩვენებლამდე შენელდება.
დოკუმენტის თანახმად, საქართველო 2021 წელს, 10.5-პროცენტიანი სავარაუდო ზრდით, ევროპისა და ცენტრალური აზიის რეგიონში მეორე ყველაზე სწრაფად მზარდი ეკონომიკის მქონე ქვეყნად ითვლებოდა.
ანალიტიკოსები მთავარ რისკ-ფაქტორად ინფლაციურ წნეხს, COVID-19-ის ახალი ვარიანტების გავრცელებას და ვაქცინაციის დაბალ მაჩვენებელს მიიჩნევენ.