მსოფლიო ბაზარზე, COVID-19-ის დელტის შტამის გავრცელების გამო, ნავთობის ფასები შემცირდა.
Brent-ის ტიპის ნავთობის სექტემბრის ფიუჩერსული ფასები 0,38%-ით შემცირდა და ბარელზე 76,2 აშშ დოლარს შეადგენს, ხოლო WTI-ის მარკის ნავთობის აგვისტოს ფიუჩერსული ფასები 0,45%-ით არის შემცირებული, ბარელზე 74,91 აშშ დოლარამდე.
ნავთობის ინვესტორები კვლავ შეშფოთებულნი არიან COVID-19-ის დელტის შტამის გავრცელებით, რაც საფრთხეს უქმნის ეკონომიკის აღდგენას.
ინვესტორები OPEC+-ის გადაწყვეტილების მოლოდინში არიან. ინვესტორები ელიან, რომ ალიანსი გაზრდის ნავთობის მოპოვების კვოტას, მაგრამ ხელშეკრულების დეტალები უცნობია.
