გამოცემა Bloomberg-ის ცნობით, საფონდო ბირჟებზე Evergrande-თან დაკავშირებული შფოთის შედეგად გამოწვეული გლობალური ვარდნის შემდეგ, მსოფლიოს 500-მა უმდიდრესმა ადამიანმა ჯამში 135 მილიარდი აშშ დოლარით იზარალა.
Bloomberg Billionaires Index-ის თანახმად, $7,2 მილიარდიანი დანაკარგით ლიდერობს Tesla-ს დირექტორი ილონ მასკი. მისი ქონება $198 მილიარდამდე შემცირდა.
ზარალის ოდენობით მეორე ადგილზე ჯეფ ბეზოსია, Amazon.com-ის დამფუძნებელმა $5.6 მილიარდი დაკარგა და მისი ქონება ამჟამად $194.2 მილიარდს შეადგენს.
ჩინური უძრავი ქონების დეველოპერმა Evergrande Group-მა სესხის პროცენტის გადახდა მინიმუმ ორი უმსხვილესი კრედიტორი ბანკისთვის ვერ შეძლო. ქვეყნის უმსხვილესი დეველოპერი კიდევ ერთი ნაბიჯით მიუახლოვდა ჩინური ბაზრისთვის ერთ-ერთი უმსხვილესი დავალიანების რესტრუქტურიზაციას. $300 მილიარდიანი დავალიანების მქონე დეველოპერის მხრიდან ვალდებულების ვერ შესრულების რისკმა გლობალური ბაზრებიც შეარყია.