მსოფლიო ბაზარზე ნავთობის ღირებულება გასული სავაჭრო დღის განმავლობაში გაიზარდა.
Brent-ის ტიპის ნავთობის იანვრის ფიუჩერსების ფასი 0,59%-ით გაიზარდა და ბარელზე 81,72 აშშ დოლარს შეადგენს.
ამავდროულად, WTI-ის იანვრის ფიუჩერსების ღირებულება 0,71%-ით არის მომატებული და ბარელზე 78,97 აშშ დოლარად ბარდება.
გამოცემა Wall Street Journal-ის თანახმად, ამინდის გაუარესება ნავთობის ღირებულების ზრდას უწყობს ხელს, რადგან დაბალმა ტემპერატურამ შეიძლება ბუნებრივი აირის დეფიციტი გამოიწვიოს.
კორონავირუსის პანდემიით გამოწვეული ნავთობზე მოთხოვნის შემცირების გამო, OPEC+-მა გასული წლის მაისიდან მოყოლებული, მოპოვება დღეში 9,7 მილიონი ბარელით შეამცირა.
ვითარების სტაბილიზაციასთან ერთად, ნავთობის მოპოვება მეტ-ნაკლებად აღდგა. 2021 წლის აგვისტოდან ალიანსმა ნავთობის წარმოება ყოველთვიურად 400 ათასი ბარელით გაზარდა.
მას შემდეგ ორგანიზაციის წევრი ქვეყნები ყოველთვიურად იკრიბებიან და მომავალი თვისთვის წარმოების გეგმას განიხილავენ.
OPEC +-ის მინისტრებმა, მიმდინარე წლის 4 ნოემბერს გამართულ შეხვედრაზე, ერთხმად გადაწყვიტეს გეგმას მიჰყვნენ და ნავთობის მოპოვება დაგეგმილზე მეტად არ გაზარდონ.
