მაღალმთიანი რეგიონების განვითარების შესახებ კანონის ფარგლებში მცხეთა-მთიანეთის 489 დასახლებიდან მაღალმთიანის სტატუსით სარგებლობს 432 დასახლება. დაწესებული შეღავათებით სარგებლობის საშუალება 22 000-მდე ადამიანს მიეცა.
ამის შესახებ ინფორმაციას მცხეთის მუნიციპალიტეტის მერია ავრცელებს.
კანონის ამოქმედებიდან დღემდე (2015-2020) მცხეთა-მთიანეთის რეგიონში მაღალმთიანი დასახლების მცხოვრებთათვის სოციალური შეღავათები დაფინანსდა 19.9. მლნ ლარით, მათ შორის:
პენსიონერებისთვის დანამატის სახით გაიცა 12.2 მლნ ლარი;
ექიმებისა და ექთნების სახელფასო დანამატის სახით გაიცა 2.5 მლნ ლარი;
მოხმარებული ელექტროენერგიის ანაზღაურება დაფინანსდა 2.5 მლნ ლარით;
სოციალური პაკეტზე დანამატმა შეადგინა, საერთო ჯამში 925 321 ლარი;
ახალშობილთათვის დახმარების სახით გაიცა - 1.7 მლნ ლარი.
მაღალმთიანი დასახლების საწარმოს სტატუსის მქონე კომპანიები საგადასახადო შეღავათებით სარგებლობენ.
ცნობისთვის, 2016-2020 წლებში რეგიონებში განსახორციელებელი პროექტების ფონდიდან (ასევე მაღალმთიანი დასახლებების განვითარების ფონდიდან) დაფინანსდა 73.8 მლნ ლარის ინფრასტრუქტურული პროექტები, მათ შორისაა:
საგზაო ინფრასტრუქტურა - 34.9 მლნ ლარი;
წყალმომარაგება - 10.2 მლნ ლარი;
სანიაღვრე და წყალარინების სისტემები - 9.8 ლარი;
კულტურისა და სპორტის პროექტები - 10.7 ლარი;
ხიდები, კეთილმოწყობა - 3.8 მლნ ლარი;ბაღები - 4.1 მლნ ლარი.