ნავთობის ფასმა ბოლო წლების განმავლობაში ყველაზე მაღალ ნიშნულს მიაღწია. ამის შესახებ საინფორმაციო სააგენტო Reuters წერს.
გამოცემის ცნობით, პანდემიით დაზარალებულ ქვეყნებში ეკონომიკის გამოცოცხლებასთან ერთად და ბუნებრივ აირზე რეკორდულად გაზრდილი ფასის ფონზე, მსოფლიოში ნავთობზე მოთხოვნამ იმატა.
18 ოქტომბრის მონაცემებით, Brent-ის მარკის ბარელი ნედლი ნავთობის ფასმა 85.73 დოლარი შეადგინა, რაც 2018 წლის ოქტომბრის შემდეგ ყველაზე მაღალი ფასია. WTI-ის ბარელის ფასი კი, დღეისთვის 83.40 დოლარად განისაზღვრა, რაც 2014 წლის შემდეგ ყველაზე მაღალი ნიშნულია.
