ამერიკის შეერთებული შტატების ენერგეტიკის დეპარტამენტი მომდევნო თვეებში ნავთობის ფასების ვარდნას პროგნოზირებს. როგორც ამერიკული ბიზნესგამოცემები უწყებაზე დაყრდნობით იუწყებიან, 2019 წლის მეოთხე კვარტალში Brent ნავთობის ნავთობის ფასი ბარელზე, საშუალოდ $59 იქნება, მაგრამ 2020 წლის მეორე კვარტალში, ბარელზე ნავთობის ღიებულება 57 დოლარამდე დაეცემა.
"ნავთობის მომარაგების ბოლოდროინდელი შეფერხებების მიუხედავად, მოსალოდნელია, რომ უახლოეს თვეებში ნავთობის ფასები შემცირდება, რადგან მსოფლიო რეზერვები გაიზრდილია", - ნათქვამია აშშ-ის ენერგეტიკის დეპარტამენტის განცხადებაში.
გარდა ამისა, უწყების პროგნოზით, 2020 წლის დასაწყისში, მეორე კვარტალში მოსალოდნელ კლებამდე ცოტა ხნით ადრე, Brent-ის ტიპის ნავთობის ღირებულება საშუალოდ 62 ამერიკული დოლარი იქნება. წლის განმავლობაში კი ნავთობის საშუალო ღირებულება ბარელზე 60 დოლარით განისაზღვრება.
ცნობისთვის: ოთხშაბათს Brent-ის ფიუჩერსული ფასი შემცირდა. ლონდონის ICE Futures-ის ბირჟაზე გაცვლითმა ფასმა დღეს დილით, გუშინდელთან შედარებით $0,68-ით დაიკლო და ბარელზე 58 აშშ დოლარი შეადგინა. გუშინ მისი ღირებულება ბარელზე 58,68 აშშ დოლარამდე იყო.
რაც შეეხება მეორე პოპულარული ტიპის ნავთობს, WTI–ს ფასი ნიუ-იორკის სასაქონლო ბირჟაზე (NYMEX) ამ დროისთვის 0,26 დოლარით არის დაკლებული და ბარელზე $ 52,38 ღირს. ორშაბათს კი, WTI 52,75 აშშ დოლარამდე ღირდა.
ბელა გელაშვილი
ავტორი