ჩეხეთის რესპუბლიკაში, სლოვაკეთში, გერმანიასა და უკრაინაში გაზის სისტემების მწარმოებელ კომპანიებს სურთ ერთობლივად ააშენონ წყალბადის დერეფანი უკრაინიდან გერმანიასა და ცენტრალური ევროპის სხვა ქვეყნების მიმართულებით. ამის შესახებ ჩეხური გაზსატრანსპორტო სისტემების, Net4gas–ის სპიკერმა, ვოიტეხ მერავიმ განაცხადა.
”ეს იდეა არის სლოვაკური კომპანია Eustream-ის, ჩეხური Net4gas-ის, გერმანული OGE-ისა და უკრაინული GTS-ის ერთობლივი ინიციატივა,” - განაცხადა მერავიმ.
მისივე თქმით, ინიციატივას პირობითად დაერქვა ცენტრალური ევროპის წყალბადის დერეფანი (CVC). ის უნდა ემსახურებოდეს წყალბადის ტრანსპორტირებას მისი წარმოების რეგიონებიდან უკრაინაში სლოვაკეთისა და ჩეხეთის რესპუბლიკის გავლით გერმანიაში და ევროკავშირის სხვა ქვეყნებში.
