თავში

პანდემიის გამო დაწესებული რეგულაციების დარღვევისთვის ჯარიმებზე საქმისწარმოების შეწყვეტა დაიწყო

პანდემიის გამო დაწესებული რეგულაციების
პანდემიის გამო დაწესებული რეგულაციების დარღვევისთვის ჯარიმებზე საქმისწარმოების შეწყვეტა დაიწყო

საგანგებო მდგომარეობის, იზოლაციის ან/და კარანტინის წესისა და პირბადის ტარების წესის დარღვევისთვის დაკისრებული ადმინისტრაციული ჯარიმების საქმისწარმოების შეწყვეტა აღსრულების ეროვნულმა ბიურომ უკვე დაიწყო. ინფორმაციას ბიურო ავრცელებს.

„ამნისტია ეხება პირებს, რომლებმაც აღნიშნული სამართალდარღვევა 2021 წლის 23 ივნისამდე ჩაიდინეს და ჯარიმა ამ დრომდე აღუსრულებელია.

2021 წლის 7 სექტემბრის ,,ადმინისტრაციული სახდელისაგან გათავისუფლების შესახებ“ კანონის თანახმად აღსრულების ეროვნული ბიურო საქმისწარმოებას დაასრულებს:

საგანგებო მდგომარეობის, იზოლაციის ან/და კარანტინის წესების დარღვევისთვის დაკისრებული ჯარიმების 20 358 სააღსრულებო საქმეს ჯამური თანხით 47 939 520 ლარი;

პირბადის ტარების წესის დარღვევისთვის დაკისრებული ჯარიმების 33 242 საქმეს ჯამური თანხით 752 860 ლარი.

აღნიშნული კატეგორიის საქმისწარმოებებზე იძულებითი აღსრულების შეწყვეტა, ეტაპობრივად, თვის ბოლომდე დასრულდება“ – ნათქვამია ინფორმაციაში.

ტექსტში შეცდომის აღმოჩენისას, გთხოვთ, მონიშნოთ არასწორი ნაწილი და დააჭირეთ Ctrl + Enter.

კატეგორიის სხვა ახალი ამბები

ბოლო სიახლეები

ბოლო სიახლეები



orphus_system