„ყველაფერს გავაკეთებთ, რომ დავამდე საქმე არ მივიდეს“, - ამის შესახებ ეკონომიკის მინისტრმა ნათია თურნავამ განაცხადა.
ნათია თურნავას განცხადებით, "ენკასთან“ დადებულ ხელშეკრულებასთან დაკავშირებით, შესაძლო საარბიტრაჟო დავის გამო, დეტალებზე საუბრისგან თავს იკავებს.
"რადგან დღეს საერთაშორისო არბიტრაჟის რისკი დგას, ამ საკითხთან დაკავშირებით დეტალებზე საუბრისგან თავს შევიკავებ იმისთვის, რომ შესაძლო დავის შემთხვევაში ჩვენი პოზიციები არ დავაზიანო. ჩვენ ყველაფერს გავაკეთებთ, რომ დავამდე საქმე არ მივიდეს და მოლაპარაკებითა და კომუნიკაციით გადაწყდეს ეს საკითხი", - განაცხადა თურნავამ.
